Era educacion environamentau e era divulgacion son indispensables entà favorir un cambiament d’actituds e facilitar eth supòrt sociau entara conservacion der os.

Damb aguesta tòca, s’an desvolopat ua seguida de materiaus divulgatius (bulletin electronic, huelhetons, banda dessenhada, poster, eca.), e se programen jornades e charrades divulgatives deth projècte e der os brun en Pirenèu pertot en Catalonha.

Ath delà, s’an installat panèus informatius en punts estrategics d’afluéncia de toristes, concrètaments en Aran Park (Portilhon), en El Fornet-Isil e Tavascan.

Aqueri panèus an era tòca d’informar ath visitant qu’era zòna a on se tròbe ei ua zòna damb preséncia d’os e que s’i amie a tèrme un projècte europèu, eth PirosLife, entà trabalhar entà conservar era populacion.

Tanben s’explique era biologia e er abitat der os brun, qué minge e era activitat que hè en cada epòca der an (cicle vitau). Fin finau, se presente era importància qu’era activitat pagesa a en Pirenèu e es accions de prevencion que se hèn entà arténher ua coabitacion damb era ramaderia, era apicultura e er os brun.

Pòdon trobar de materials divulgatius al seguent ligam.

Panèu plaçat en El Fornet (Isil)
.

Charrada en Delta Birding Hestivau (Delta der Ebre).