Era educacion dera mainadèra constituís ua basa essenciau entara sensibilizacion e entara formacion entara sostenibilitat e er environament. En aguest sens, ath delà dera formacion ath professorat, tanben s’elabòren materiaus didactics entàs escòles d’educacion mairau e primària consistentes en ua seguida d’activitats e jòcs, organizadi per cicles.

Aqueth projècte desvolòpe, en grana mesura, es contenguts des matèries de miei naturau e sociau dera educacion primària a trauès d’un punt d’enguarda environamentau sus eth Pirenèu e toti es sòns abitants. Er os brun des Pirenèus acompanhe ara mainadèra a compréner era sua relacion damb er environament en tot preparar-los entà desvolopar er esperit critic e era sensibilitat per arrepòrt ara natura e, ath madeish viatge, que siguen eri e eres es educadors des sòns pairs e mairs.

Aquera proposicion, arraïtzada enes vals pirenenques, s’estructure en quate grani encastres destinadi ar ensenhament-aprendissatge d’ua seleccion de concèptes, procediments e valors entà fomentar era transicion de cap a ua societat mès coneishedèra dera riquesa deth patrimòni naturau e sociau deth Pirenèu: er os brun, er abitat pirenenc, er espaci partejat, era cultura e eth patrimòni.

Aqueri recorsi son a disposicion gratuïta de totes es escòles a trauès deth portau:

PirosLife per escòles.