Formacion

Formacion de pastors e pagesi

Era tòca d’aquera activitat ei aufrir ua formacion especifica a professionaus en actiu e as escolans deth sector pagés entà que desvolòpen era sua activitat professionau en airau de distribucion der os brun en Pirenèu catalan. Era formacion ei basada sus es mesures de gestion que permeten redusir era conflictivitat entre era preséncia der os brun e es animaus domestics o era apicultura.

Era formacion adreçada as futurs pastors e proprietaris de tropèths de montanha e futurs trabalhadors e trabalhadores d’explotacions agràries se hè a trauès dera Escòla de Pastors de Catalonha, era Escòla deth Pirenèu, era Escòla Agrària deth Palhars, era Escòla Agrària Forestau de Santa Coloma de Farners e era Escòla Superiora d’Agricultura de Barcelona dera Universitat Politecnica de Catalonha.

Mejançant sessions teoriques e practiques, es escolans d’aqueri centres arreceben coneishences sus era biologia der os, era situacion populacionau dera espècia, era interaccion entre era fauna sauvatja (grani carnivòrs) e era activitat pagesa e, mès que mès, sus es mesures de prevencion de damatges que s’implementen a trauès deth projècte Piroslife.

Formació de pastors

Jornada de formacion ena Escòla de Pastors de Catalonha, eth 15 de març de 2016.

Complementàriaments, se realizen reünions de trabalh damb professionaus en actiu, damb representants deth sector pagés locau, damb era tòca de hèr a conéisher es linhes d’accion deth projècte e era sua evolucion, disposar d’un espaci de dialòg continu damb eth sector e, mès que mès, entà capacitar-los en çò que tanh as mesures de prevencion de damatges que s’implementen en encastre deth projècte.

Formacion d’enterpresa toristica

Er ecotorisme restacat damb er os brun pòt contribuïr ath desvolopament economic deth territòri. Entà arténher aguesta hita cau disposar de professionaus preparadi, damb coneishences sus aquera espècia e eth sòn abitat e qu’ac poguen utilizar positivaments, en favor dera conservacion dera espècia, damb era creacion de productes ecotoristics qu’afavorisquen era conservacion dera biodiversitat deth territòri.

Damb aguesta tòca, s’amien a tèrme jornades formatives adreçades as agents toristics e guides locaus deth territòri.

Formació d'empreses turístiques

Formacion a enterpreses toristiques deth territòri, 5 e 6 de noveme de 2015 en Llavorsí.

Formacion deth professorat

Un des actors claus en desvolopament e era implementacion dera proposicion educativa deth projècte Piroslife ei era formacion e sensibilizacion tant deth professorat en actiu enes centres educatius de Catalonha com des futurs professionaus.

Damb aguesta tòca, se programe tath professorat de mairau e de primària, que realize era sua formacion iniciau ena Facultat de Sciéncies dera Educacion dera Universitat de Lhèida, conferéncies, talhèrs e gessudes de camp que s’incorpòren as matèries de didactica des sciéncies previstes ena sua formacion. Complementàriaments, s’organizen corsi de formacion continua adreçadi as professors d’ensenhament preelementari e primària que ja trabalhaen en sistèma educatiu de Catalonha e que s‘intègren ara aufèrta formativa deth Departament d’Ensenhament dera Generalitat de Catalonha.