Resultats demorats

Eth present projècte LIFE preten consolidar era conservacion der os ròi e desvolopar naues accions que faciliten era sua implantacion en futur:

  • Assegurar eth futur biologic dera espècia enes Pirenèus, aluenhant era populacion deth risc d’endogàmia e incrementant eth sòn nombre d’exemplars.
  • Assegurar eth futur dera espècia en un ecosistèma conservat, protegit e interconnectat, mès, ath còp gestionat per fòrça unitats politiques e administratives, tamb leis e gestion despariones.
  • Assegurar eth futur dera espècia ena esfèra sociau, politica e economica, mitigant es risqui relacionats tamb era sua preséncia, incidint especiaument enes activitats ramadères.
  • Integrar er òs ròi en dia a dia des pòbles e dera gent de montanha, de manèra que se pogue convertir en un hèt naturau e quotidian, coma era rèsta d’espècies de fauna , e que se convertisque en ua oportunitat de desvolopament economic.
  • Establir un protocòl de gestion dera populacion d’os ròi que se mantengue dempús dera aplicacion deth present projècte LIFE.
  • Servir d’exemple entà d’auti territòris, desvolopant, transferint e metent a disposicion d’auti airaus des Pirenèus e dera Union Europèa que presenten problematiques similars o alòtgen d’auti grani depredadors (protocòls e prepauses d’actuacion que permeten era coexisténcia e asseguren eth futur der os ròi).

Tanben se preten obtier ua seria de resultats concrèts, entre es que destaquen:

  • Un Plan d’Accion entà 10 ans (2014-2023).
  • Conéisher era estructura genetica e demografica. Plan coordinat a 20 ans entà mielhorar-les.
  • Un mascle translocat, entà incrementar es valors de variabilitat genetica.
  • Arribar a zèro atacs per an sus era ramaderia e era apicultura.
  • Dessenh e creacion d’un hilat internacionau “os ròi” de connectivitat ecologica (en un entorn Natura 2000).
  • Previer e evitar conflictes os-uman en airaus de proximitat: pautes d’actuacion.
  • Creacion d’un hilat pirenenc de coordinacion interadministratiu, seguiment e promocion de mesures d’eficiéncia ena gestion.
  • Documents de compromís tamb ramadèrs e caçaires.
  • Informar en desparièrs encastres (toristics, visites, centres que son fòcus d’atencion, etc), includidi es hilats sociaus.
  • Formar era populacion umana locau (estudiants, pairs e mairs, ramadèrs, pastors,etc)
  • Elaborar un manuau de coma realizar aguest tipe de reintroduccions: sintèsi deth projècte.
  • Auançar en mesures qu’ajuden a configurar ua actitud positiva cap ar os ròi e coma oportunitat de desvolopament.